Dünya Azərbaycanlılarının Beynəlxalq Fondunun (DABF) həmtəsisçiləri — Hikmət Cavadov və Emil Mirzəyev Nobel qardaşlarının Azərbaycandakı irsinin 150-ci ildönümü münasibətilə isveçli yazıçı və tarixçi Benqt Yanqfeldtin “Nobel qardaşları. İsveçli ixtiraçılar nəhəng sənaye imperiyalarını necə yaratdılar” adlı kitabının Bakıda keçirilən təqdimatında iştirak ediblər.
Xəzərnews.az xəbər verir ki, Nobel Qardaşlarının Ev Muzeyində keçirilən təqdimat zamanı DABF həmtəsisçiləri İsveç Krallığının ölkəmizdəki fövqəladə və səlahiyyətli səfiri Tobias Lorentzsonla görüşüblər.
Səfirin diqqətinə çatdırılıb ki, Dünya Azərbaycanlıları Beynəlxalq Fondu İsveçdə qeydiyyatdan keçib və aktiv fəaliyyət göstərir.
Qeyd edək ki, tədbirdə “Nobel qardaşları. İsveçli ixtiraçılar nəhəng sənaye imperiyalarını necə yaratdılar” adlı kitabın müəllif Benqt Yanqfeldt nəşr haqqında məlumat verib.
Vurğulanıb ki, bu kitabın Nobellərin Azərbaycandakı irsinin 150 illiyinin qeyd edilməsi məqsədilə Azərbaycan dilində nəşr olunması İsveçin Biznes Tarixi Mərkəzi (CfN), İsveçin Bakıdakı səfirliyi və Azərbaycanın bu ölkədəki səfirliyinin birgə təşəbbüsüdür.
Sonra çıxış edən Bakı Nobel İrsi Fondunun sədri Sevinc Bağırova kitab haqqında fikirlərini bölüşüb. O, kitabın müəllifi Benqt Yanqfeldtə səmimi təşəkkürünü ifadə edib.
Təqdimatdan sonra Tobias Brinqholm və Daniel Ottoson tərəfindən eyni kitab əsasında çəkilmiş film nümayiş olunub.
